تبلیغات اوره گیم
1388/06/4 13:21
ارسال شده در: تورکجه شئعیر ،
یاواش - یاواش داشیرام داشلانیر یارا اوره ییم
دیلیم یئرینده دولانمیر گئدیب هارا اوره ییم
سنین آدین گوزوم اوسته یازیلدی آغلاییرام
کاغاذلارا ؛ آرازا ؛ آغلاییر قارا اوره ییم
دنیز گوزونده بوغولدی تاپانمادیق ایزینی
آداخلیسان چوبانا یا سویا ؟ سارا ؛ اوره ییم
غزل - غزل اوره ییمدن قیزیل- قیزیل قان آخیر
چکیل - چکیل دالا کونلوم ؛ چکیل دارا اوره ییم
هوروک - هوروک سوزومی قاتمیشام قارا ساچینا
آیاغلاریندان اوپوب یالوارا یارا اوره ییم .
دیدگاه ها : باخیش
برچسب ها: رضا وعیدی ،
آخرین ویرایش: 1388/06/4 13:26
یاواش- یاواش
1388/05/21 17:09
ارسال شده در: تورکجه شئعیر ،
گؤسترمه گول اوزون، گؤسترسن اولور
گؤزومده گؤز یاشی قان یاواش- یاواش
هر دؤنوب باخدیقجا یورغون مارال تك
بدندن آیریلیر جان یاواش- یاواش
گونش تك بللی دیر حُسن جمالین
عاله شمس اولوب عقلین- كمالین
دئمه بیلنمیرم نه دیر خیالین
كؤنلومون ایسته گین آن یاواش- یاواش
عاشیق یاتانمازدی اوزون گئجه لر
وئجه گلمز ایشی الله وئج ائلر
"بارز" علاج ائدن باخ گؤر نئج ائلر
افقدن باش وئریر دان یاواش- یاواش
دیدگاه ها : باخیش
برچسب ها: عباس اسلامی(بازر) ،
آخرین ویرایش: - -
ایندی
1388/05/10 13:55
ارسال شده در: تورکجه شئعیر ،
بیر زامان یاتاغیم داغدا-آراندا
دییه ردیم قان دولو قئیرتم ایندی
ادها شنلیک یئره آیاغیم گلمیر
زامانین ایشینه حیرتم ایندی
کؤچه ری قوشلارتک آلیزدیر یوخوم
تالانیب یولوندا واریم هم یوخوم
قویمادین حسنونه دویونجا باخیم
قملی باخیشلارا حسرتم ایندی
"آراز" دا یئنه نه بوینونو ایییر
تؤکنمز دردینی گؤرکیمه دئییر
وطنی سئومه ییم نادانلیق دئییر
بو سؤزو کیملره اؤیره تم ایندی
دیدگاه ها : باخیش
برچسب ها: حسین زارعی(آراز) ،
آخرین ویرایش: 1388/05/10 14:21
...
1388/05/4 12:08
ارسال شده در: تورکجه شئعیر ،
بیر ائلی بوراندا قاردا چکه جم
بیرائلی باهاردا واردا چکه جم
بیر شکیل چکه جم گوزگیله سینه
آرزیلار دوزوله سیل سیله سینه
بیر باهار سالاجام قیش چیله سینه
بیر لالا خونچاسین قاردا چکه جم
بیر داغی چکه جم دومان ایچینده
بیر یاخشی بیتره م یامان ایچینده
بیر حققی دوغرولدام گومان ایچینده
شاختادا بیر آغاج باردا چکه جم
بیر سئلی چکه جم سارا قوینوندا
بیر ائلی یاردیم سیز یارا قوینوندا
بیر دیلی دیلچک سیز داردا چکه جم
تیکیلی بیر آغیز چکه جم بوما
بیر درین باخیش کی فیکیره جوما
یوللایام شکیلین تهرانا قوما
بیر ائلین یوخلوقون واردا چکه جم
بیر ایشیق چکه جم اوزاقدان آتیب
بیر دنیز چکه جم دنیزه باتیب
بیر ائلی چکه جم مین ایلدی یاتیب
وارلیغین بیلمیره م هاردا چکه جم
نیله ییم دیل سیز بیر باش چکه نمیرم
ائلیمین گوزونده یاش چکه نمیرم
بو ائلین ماهنی سین تاردا چکه جم
دیدگاه ها : باخیش
برچسب ها: هوشنگ جعفری ،
آخرین ویرایش: 1388/05/4 12:41
کونول
1388/05/3 18:20
ارسال شده در: تورکجه شئعیر ،
دیل بیلن سوز آنلایان بیر نازلی یار ایستر كونول
لاله دن گول دن گوزل بیر نو بهار ایستر كونول
اعتبارین گورمه یینجه سئومه رم بیر دیلبری
نازنین مهپاره لردن اعتبار ایستر كونول
هر قارا زولفون اسیری اولمارام بوندان سورا
ایندی عالم ئوزگه دیر خوش روزگار ایستر كونول
اویناماق، گولمه ك ، دانیشماق ، عیش و نوش ایامیدیر
بلبل شیدا كیمی مین لاله زار ایستر كونول
هر طرف گولدیر، چیچكدیر بئیله آزاد ئولكه میز
دائم ئوز خوشبخت خلقین بختیار ایستیر كونول
بختور ((واحد))، او كسلر دیر بو خوش عالمده دیر
هر زمان بو خوش حیاتی پایدار ایستر كونول
دیدگاه ها : باخیش
برچسب ها: علی آقا واحد ،
آخرین ویرایش: 1388/05/4 12:41
بیر دوداق نیسگیل
1388/04/27 18:02
ارسال شده در: تورکجه شئعیر ،
بوغولموش داملایام، سئل خیالیندا
ائلدن قوپاریلدیم ائل خیالیندا
بیر حزین سئگاهام، سوکوتام، سسم
سازدان اوجالمیشام تئل خیالیندا
***
آنام تک بو تورپاق اَرییب جاندا
دردینه قاتلاشدیم هر بیز زامان دا
کور اوغلو یالقیز سا چنده، دوماندا
نیگار هاوالی یام بئل خیالیندا
***
کولک لر ده لی دیر، من ایسه دلی
دارانیر فیکریمین پریشان تئلی
یئنه آراز آخیر سارای نغمه لی
خان چوبان موغانی میل خیالیندا
آردینی بوردان اوخویون
دیدگاه ها : باخیش
برچسب ها: فریبا ابراهیمی(آفاق) ،
آخرین ویرایش: 1388/06/4 13:16
سون دفعه
1388/04/23 07:05
ارسال شده در: تورکجه شئعیر ،
الوعدا، آیریلیریق، کؤهنه منزیل.
یاشادیق سنده نئچه آی، نئچه ایل.
سون دفعه
باخدیم بو یالین دیوارلارا، سون دفعه .
یئری بوش
شکیللردن قالان
میسمارلارا، سون دفعه .
سون دفعه
اوزوم یارپاقلاری پنجره لردن
کؤلگه لری منیمچون سالیر، سون دفعه .
سون دفعه
قاپی زنگی منیمچون چالیر، سون دفعه.آردینی بوردان اوخویون
دیدگاه ها : باخیش
برچسب ها: آنار رضا ،
آخرین ویرایش: 1388/05/4 12:40
قهوه قوتولدو، رومان دا
1388/04/4 05:20
ارسال شده در: تورکجه شئعیر ،
گل گلیرم، گل گلیرم، گل گلیرم، گل گلیرم، گل گلیرم، گل گلیرم
بویون دا بویون اولا بیلمز...... بویون ده ییر بویون
هایانی توتوسان او یانی قاچیر.
اویاندیریب هر طرفه چیرپیسان..... او طرفی چیپسانیر.
کؤهنه سَخسی تاغار کیمی چارتلانیب باغری
بؤیرونن آخیر زامان.
آغ یوغورت کیمی آخیر گؤز،
...........................آخیر ال،
...................................چیین لر آخیر.
آردینی بوردان اوخویون
دیدگاه ها : باخیش
برچسب ها: زیبا کرباسی ،
آخرین ویرایش: 1388/05/4 12:39
شئعیر
1388/03/16 12:09
ارسال شده در: تورکجه شئعیر ،
اؤزگور دولانیردیق یام یاشیل ایاقیندا
بیرده ن حوپ دوتدو دایاندی زامان
چاشقینلیق دوشدو اؤره گیمیزه
زامپارا بؤزگوش پیس باخدی یامان
آل الوان بویائیب زنگین خالچاسین
خالچانین گوللری ناقیص دی گومان
اؤزون گؤولدوردو بیزی آغلاتدی
گوزل گوللریم تالاندی آمان
ایندی من قالمیشام بیر داها کولگه م
کوچمه گه حاضیرام هر هانسی زامان
دیدگاه ها : باخیش
برچسب ها: شئعیر ،
آخرین ویرایش: 1388/05/4 12:39
...
1388/03/2 19:14
ارسال شده در: تورکجه شئعیر ،
من دئمیرم اوستون نژاد دانام من
من دئمیرم ائلیم ائللردن باشدیر
منیم مسلکیمده منیم یولومدا
اینسانلار هامی سی دوستدور قارداشدیر
(بولود قراچورلو-سهند)
دیدگاه ها : باخیش
برچسب ها: بولود قراچورلو-سهند ،
آخرین ویرایش: 1388/05/4 12:38
...
1388/02/27 10:05
ارسال شده در: تورکجه شئعیر ،
ساچ توکوبدور یانینا، گور نه اورک ایستمه لی
او اورک ایسته دی مندن دمیشم منده: بلی
ایلشوبدور نظریمده ایله کهلیک اوجادا
اونا بِل باقلامیشام هم نظری هم عملی
قوزی یان یانا یاتوب من چوبان اُللام سوریه
منه بسدور ایکی املیک کی اولوبدور یملی
بو اوزاخلیخ آجیدی، خوشدی گلن گوننریمیز
عشقیمون خاطیرنه هر آجیلیخ چوخ مزه لی
سحریم آخشاما تبدیل الار آنجاخ گله سن
گورخیرام گج گله سن منده الام بیرجه دَلی
گوز یاشن سیلماقا ال آختاریام گل گوزلیم!
طاقتیم سندی بِلی، تز گله سن کشکه ولی
سایارام لحظه لریه، گون چیخا تا آیدین اولا
بو اوزاخلیخدا گورم کیم بوقدر واردی الی!
عاکف
دیدگاه ها : باخیش
برچسب ها: عاکف ،
آخرین ویرایش: 1388/05/4 12:38
وطنسیزله میشم
1388/02/20 18:29
ارسال شده در: تورکجه شئعیر ،
"نئچه ایللردی دییاریمدان اوزاق...
قوربت ائللرده وطنسیزله میشم."
فلک آیدین گونومو ائیله دی زای
اوز ائلیمدن ده داحا اولمادی حای
قم هوجوم چکدی کونول بحرینه، دای
سسله دیم گو نئجه سنسیزله میشم
قوربت ائللرده وطنسیزله میشم.
اوتری یئللر ایله اوتدو باهار
بلکه ائتسین منی هیجران ایله خوار
کونلوم اوستون بورودو چنلی قوبار
عشقینه قوش کیمی دنسیزله میشم
قوربت ائللرده وطنسیزله میشم.
اوچون آی نغمه لی قوشلار، بیر، اوچون!!!
یاریمین کونلونه بیر یول ?چین
سئوگیلیم ! من سنه یول تاپماق اوچون
هر جیغیر اوسته سنی ایزله میشم
قوربت ائللرده وطنسیله میشم.
داغلارا حال سالیبان بیر دلی تک
هر یئته ن کیمسیه قان- قان دئیه رک
"آراز" اوز عشقینی ترک ائتمیه جک
نئیله ییم کی داحا سنسیزله میشم
قوربت ائللرده وطنسیزله میشم.
"آراز"
دیدگاه ها : باخیش
برچسب ها: حسین زارعی(آراز) ،
آخرین ویرایش: 1388/05/4 12:37
اهــــــــــــــــــــریم
1388/02/14 10:37
ارسال شده در: تورکجه شئعیر ،
استاد میرلطیف عرب زاده دن بیر شئعیر (آنا یوردوم) اهر شهرینین وصفینده:
دوغما یوردوم وطنیم سن اوز آنام سان اهریم
گول چیچک باشدان آشور مثل جنان سان اهریم
دورد طرف داغ داش و هر داغ چکولوب گوی یوزونه
نه فرح بخش یلین اسدی یا ماجدان اهریم
بهارون فصلی گلور ایل اوبا یا یلاق یوزونه
یاخشی اوتلار قوزولار تا اولا شادان اهریم
قینه یور داش سینه سیندن بولاغون بوزلی سویی
یا ما جا جاری اولور تا ایچه هر جان اهریم
سریلیب هر طرفه دامن رنگین نه گوزل
واله و حیران اولور هر باخان انسان اهریم
چایلارون دالقاورور تو پراقی جان بخش اله یور
یاریاما جلار سوایچیر گورنه خرامان اهریم
سایه سار اولدی بولوط داغلارون هر وقت باشینا
سقدی آق کوینگینی نم نم باران اهریم
سد ستارخان اولوب دریا کیمی دالقا ورور
هر طرفدن چای آخور ایلیری عمان اهریم
معدن مزرعه نین چخدی اوجان بخش قیزیلی
گردن یاردا او تو رور گورنجه خندان اهریم
سن شرف توپراقی سان ایرانیمن فخری گوزل
سنه کج باخا هر انسان اوی ویران اهریم
بیره یوز آلدی هر اول کس که اکور توپراقووی
ساری کوینک زمیلر بیر بیری الوان اهریم
باغلارون میوه لری واله ادیر انسانی
آلماسین میل ادن انسان اولی شادان اهریم
گل گداخ شیخ باغی نا اوردا طراوتلی هوا
هر نفس چکمک اولور انسانا بیر جان اهریم
شیخ شهاب بقعه سینی گورسه هر انسان سوونر
چوخلی شاه لار باش اگیب صاحب عرفان اهریم
مرد اوغولار بویویوب دامن مهرونده سنون
بابک آدلی اوغلون ، ستار و سالم خان اهریم
هر گورن حیرت ایدیر قیز لاروون عصمتینه
هاموسی کان شرف غیرت و ایمان اهریم
زنده و شاد یاشاسین سویگولی یوردوم وطنیم
شاعر اوغلون ینه یازسین آدونان (هجران) اهریم
دیدگاه ها : باخیش
برچسب ها: میرلطیف عرب زاده ،
آخرین ویرایش: 1388/05/4 12:37
آللاهدان ایسته ییم...
1388/02/6 16:51
ارسال شده در: تورکجه شئعیر ،
دیز چؤکوب قارشیندا دوعا ائدیرم،
اوجالاردان اوجا بیلیرم سنی.
ساخلا اؤز یانیندا روحومو، آللاه،
بیر ده بو دونیایا گتیرمه منی.
سیرلی رؤیالاریم داغیلاجاق سا،
آرزوم گؤزلریمده بوغولاجاق سا،
عذابیم منیله دوغولاجاق سا،
بیر ده بو دونیایا گتیرمه منی.
نامردی مردیندن چوخ اولاجاق سا،
عالیم آج، گئدالار توخ اولاجاق سا.
یارانمیشلار بیرگون یوخ اولاجاق سا،
بیر ده بو دونیایا گتیرمه منی.
بو دونیا ذوؤق- صفا وئرمه سه اگر،
هر درده بیر شفا وئرمه سه اگر،
عزراییل استعفا وئرمه سه اگر
بیر ده بو دونیایا گتیرمه منی.
بو یالان دونیانین ترس آیناسی وار،
سئوینجه بنزه ین چوخ بلاسی وار.
تکرار گؤرمه ییمین نه معناسی وار؟-
بیر ده بو دونیایا گتیرمه منی.
گؤردوم بو دونیانی، قورو قفس دیر،
سن بیزه وئردییین عبرتلی درس دیر.
بیر دفعه پئشیمان اولموشام، بس دیر!-
بیر ده بو دونیایا گتیرمه منی.
دیز چؤکوب قارشیندا دوعا ائدیرم،
اوجالاردان اوجا بیلیرم سنی.
ساخلا اؤز یانیندا روحومو، آللاه،
بیر ده بو دونیایا گتیرمه منی.
"نصرت کسمنلی"
دیدگاه ها : باخیش
برچسب ها: نصرت کسمنلی ،
آخرین ویرایش: 1388/05/4 12:36
«دؤرد گؤیرچین»
1388/02/3 11:21
ارسال شده در: تورکجه شئعیر ،
«دؤرد گؤیرچین»
گلدی دؤرد گؤیرچین
سودا یاخالانماق اوچون
سو حبسخانا یالاغیندایدی،
و گونش
گؤیرچینلرین
گؤزونده، قانادیندا، قیرمیزی آیاغیندایدی.
گیردی دؤرد گؤیرچین
یاخالانماق اوچون
سویون ایچینه.
و کدرلی تورپاقدا دؤرد اینسان
باخدی دؤرد گؤیرچینه.
گؤیرچینلر بیرلیکده
گونشی داشیییب قیرمیزی آیاقلاریندا
اوچا بیلرلر.
دایاندیرماز اونلاری دمیر و دیوار.
گؤیرچینلرین یومشاق قانادلاری وار.
و قانادلار
ایندی بوردا، ایندی دامین اوزرینده.
اینسانلارین قانادلاری یوخ
اینسانلارین قانادلاری اورکلرینده.
دؤرد گؤیرچین
گونشه وارماق اوچون
یاخالاندی، اوچدو سودان
"ناظیم حئكمت"
دیدگاه ها : باخیش
برچسب ها: ناظیم حئكمت ،
آخرین ویرایش: 1388/05/4 12:35
تعداد کل صفحات : 3 1 2 3
